پی ایس ایل: پشاور زلمی کا کراچی کنگز کیخلاف ٹاس جیت کر بیٹنگ کا فیصلہ

ایچ بی ایل پاکستان سپر لیگ (پی ایس ایل) 9 کے 29  ویں میچ میں پشاور زلمی نےکراچی کنگز کے خلاف ٹاس جیت کر بیٹنگ کا فیصلہ کیا ہے۔

خیال رہےکہ پی ایس ایل 9 کا 29 واں میچ کراچی کے نیشنل اسٹیڈیم میں کھیلا جارہا ہے۔

خیال رہےکہ پاکستان سپر لیگ سیزن 9 میں پلے آف میں پہنچنے والی 4 ٹیموں کا فیصلہ گزشتہ روز ہی ہوچکا ہے۔

ملتان سلطانز، پشاور زلمی، اسلام آباد یونائیٹڈ اور کوئٹہ گلیڈی ایٹرز پلے آف مرحلے میں پہنچ گئی ہیں جب کہ کراچی کنگز اور لاہور قلندرز  دوڑ سے باہر ہوگئی ہیں۔

پی ایس ایل سیزن 9 کے پوائنٹس ٹیبل پر نظر ڈالیں تو ملتان سلطانز 9 میچز میں 12 پوائنٹس کے ساتھ سر فہرست ہے۔

اسلام آباد، یونائیٹڈ 10 میچز میں 11، پشاور زلمی اور کوئٹہ گلیڈی ایٹرز، 9 میچز میں 11،11 پوائنٹس کے ساتھ دوسرے، تیسرے اور چوتھے نمبر پر ہیں۔

کراچی کنگز 9 میچز میں 8 پوائنٹس کے ساتھ پانچویں جب کہ لاہور قلندرز 10 میچز میں 3 پوائنٹس کے ساتھ آخری نمبر پر ہے۔

واضح رہے کہ ہر ٹیم نے پہلے مرحلے میں 10، 10 میچز کھیلنے ہے جس کے بعد پلے آف مرحلے کا آغاز ہوگا۔