پاکستان کرکٹ بورڈ (پی سی بی) نے قومی ٹیم کے فاسٹ بولر شاہین آفریدی کے حوالے سے وضاحتی بیان جاری کر دیا۔
پی سی بی نے شاہین آفریدی کی ٹیم ممبران کے ساتھ مبینہ تلخ کلامی پر وضاحتی بیان جاری کیا ہے۔
پی سی بی کے مطابق شاہین آفریدی کپتان سلمان آغا اور کوچنگ اسٹاف کے حوالے سے چلنے والی خبر کی تردیدکرتے ہیں، ٹریننگ یا پریکٹس سیشن کے دوران ایسا کوئی واقعہ پیش نہیں آیا، یہ بے بنیاد افواہیں اور من گھڑت خبریں ہیں۔
پی سی بی کا کہنا ہےکہ ایسا لگتا ہے کہ یہ سب مذموم مقاصد کے تحت جان بوجھ کر ٹیم کے اندر انتشار پیدا کرنےکے لیےکیا گیا، پی سی بی اس مہم کو ٹیم کا ماحول خراب کرنے کی ایک سنگین کردار کشی سمجھتا ہے۔
پی سی بی کا کہنا ہےکہ ان افراد یا اداروں کے خلاف سخت قانونی کارروائی کا آغاز کریں گے جنہوں نے جھوٹا بیانیہ پھیلایا، قانونی کارروائی میں ہتکِ عزت اور سائبرکرائم سے متعلق دفعات بھی شامل ہوں گی، ملوث افراد کو قانون کے دائرے میں لایا جائےگا۔
پی سی بی کا کہنا ہےکہ عوام، میڈیا اور سوشل میڈیا پلیٹ فارمز پر ایسی من گھڑت اور جھوٹی خبروں سےگریز کریں۔
