لاہور پولیس کی اشتہاری و عادی مجرمان اور عدالتی مفروران کے خلاف اہم کامیابیاں

لاہور:(سپرسیون نیوز ) حاجی آصف کرائم رپورٹر ) *
لاہور پولیس نے اشتہاری وعادی مجرمان اور عدالتی مفروران کے خلاف اہم کامیابیاں حاصل کرتے ہوئے سال2025ء میں 450 سے زائد اشتہاری مجرمان،300 سے زائد عدالتی مفرور اور159 عادی مجرمان کو گرفتارکیا ہے۔
یہ بات ترجمان لاہور پولیس نے آج یہاں جاری اپنے بیان میں کہی۔ ترجمان نے بتایا کہ کینٹ ڈویژن سے98،سول لائنزسے25، سٹی سے94، اقبال ٹاؤن سے48، صدرسے58اورماڈل ٹاؤن ڈویژن سے111اشتہاری مجرمان کی گرفتاری عمل میں لائی گئی ہے۔اسی طرح کینٹ ڈویژن سے57،سول لائنزسے26، سٹی سے92، اقبال ٹاؤن سے52، صدرسے12اورماڈل ٹاؤن ڈویژن سے62عدالتی مفروران کو گرفتار کیا گیا ہے۔جبکہ کینٹ ڈویژن سے18،سول لائنزسے10، سٹی سے41، اقبال ٹاؤن سے40، صدرسے 12اورماڈل ٹاؤن ڈویژن سے38عادی مجرمان گرفتار کیے گئے ہیں۔
سی سی پی او بلال صدیق کمیانہ نے کہا کہ جرائم پیشہ عناصر کے خلاف بلا تفریق کارروائیاں جاری ہیں۔انہوں نے کہا کہ اشتہاریوں کے خلاف کارروائیوں سے جرائم میں نمایاں کمی آئی ہے۔سی سی پی او لاہور نے سنگین نوعیت کے مقدمات میں مطلوب اشتہاری مجرمان کی گرفتاریوں کیلئے کارروائیوں میں تیزی لانے کی ہدایات جاری کرتے ہوئے کہا کہ بیرون ملک مفروراشتہاری مجرمان کو انٹرپول کے ذریعے واپس لا کر قرار واقعی سزائیں دلوائی جائیں۔بلال صدیق کمیانہ نے کہا کہ ہیومن انٹیلی جنس کے ساتھ ساتھ جدید ٹیکنالوجی کی مدد سے اشتہاری مجرمان کو قانون کے کٹہرے میں لایا جائے۔انہوں نے ایک بار پھر اس عزم کا اعادہ کہا کہ جرائم پیشہ عناصر کی سرکوبی لاہور پولیس کا اولین مشن ہے۔
٭٭٭٭