اسلام آباد: بین الااقومی ریٹنگ ایجنسی (موڈیز) نے کہا ہے کہ پاکستان کا بجٹ آئی ایم ایف کے ساتھ قرض پروگرام کیلئے مذاکرات میں مددگار ثابت ہوگا۔
موڈیز نے پاکستان کے بجٹ پر تبصرہ کرتے ہوئے کہا کہ حکومت کا آدھے سے زیادہ ریونیو سود کی ادائیگی پر خرچ ہوگا، مہنگائی کی وجہ سے سماجی تناؤ دوبارہ پیدا ہو سکتا ہے۔
موڈیز کے مطابق مہنگائی کا اصلاحات کے پروگرام پر اثر ہو سکتا ہے، پاکستان نے شرح نمو کا ہدف 3.6 فیصد رکھ کر آئی ایم ایف کو خوش کرنے کی کوشش کی ہے۔
یہ بھی پڑھیں
وفاقی بجٹ کے بعد مارکیٹ میں زبردست تیزی، 100 انڈیکس پہلی بار 77 ہزار کی سطح عبور کرگیا
سندھ کا آئندہ مالی سال کا بجٹ آج پیش کیا جائے گا
ظالمانہ بجٹ سے ٹیکسٹائل سیکٹر تباہ ہو جائےگا: اپٹما
ریٹنگ ایجنسی کا کہنا تھاکہ مالی استحکام کے لیے ٹیکسوں میں اضافے اور شرح نمو پر انحصار کیا گیا ہے، اصلاحات پر قائم رہنا بجٹ اہداف کے حصول کیلئے اہم ہو گا جب کہ حکومت کے پاس مضبوط الیکٹورل مینڈیٹ نہ ہونے کی وجہ سے اصلاحات پر عمل مشکل ہو سکتا ہے۔
موڈیز کے مطابق ریونیو میں 40 فیصد اضافہ ٹیکسوں میں اضافے کی وجہ سے ہے، توانائی کے شعبے میں 1.4 ٹریلین روپے سبسڈی ظاہر کرتی ہے کہ اس شعبے میں اصلاحات محدود ہیں۔
