سی سی پی او لاہورکی زیر ِصدارت سول لائنز اور سٹی ڈویژنز کی کارکردگی سے متعلق اہم اجلاس

لاہور حاجی آصف کرائم رپورٹر
سی سی پی او لاہورکی زیر ِصدارت سول لائنز اور سٹی ڈویژنز کی کارکردگی سے متعلق اہم اجلاس
لاہور09جون:……سربراہ لاہور پولیس بلال صدیق کمیانہ کی زیر ِصدارت کیپٹل سٹی پولیس ہیڈکوارٹرز میں سول لائنز اور سٹی ڈویژنز کی کارکردگی سے متعلق ایک اہم اجلاس منعقد ہوا۔ جس میں دونوں ڈویژنز کی کارکردگی کا تفصیلی جائزہ لیا گیا۔اجلاس میں نشے کے عادی افراد کی بحالی اور انسداد منشیات کے حوالے سے ایکشن پلان پر تبادلہ خیال کیا گیا۔سی سی پی او لاہور نے منشیات فروشوں کے خلاف جاری کریک ڈاؤن مزید تیز کرنے کے احکامات جاری کئے۔انہوں نے موبائل سنیچرز اور موٹر سائیکل چوروں کے گرد گھیرا تنگ کرنے کی ہدایات جاری کرتے ہوئے کہا کہ کرائم کنٹرول کیلئے سفید پارچات میں ڈیکائے آپریشنز کئے جائیں۔انہوں نے جرائم کی روک تھام کیلئے پنجاب سیف سٹیز اتھارٹی کے نیٹ ورک سے بھرپوراستفادہ کرنے کی ہدایات جاری کرتے ہوئے کہا کہ افسران پروفیشنل پولیسنگ پر فوکس کریں اورٹیم ورک، جوائنٹ پلاننگ کے تحت مشترکہ آپریشنزسے جرائم کے خاتمہ کو یقینی بنائیں۔ انہوں نے پولیس یونٹس کی آپس میں انفارمیشن شیئرنگ اور بہترین کوارڈنیشن قائم رکھنے کی ضرورت پر بھی زور دیا۔
سی سی پی او لاہورنے کہا کہ ورچوئل وویمن پولیس سٹیشن میں خواتین کودرپیش مسائل ترجیحی بنیادوں پر حل کیے جا رہے ہیں۔انہوں نے کہا کہ افسران و اہلکاران مظلوم کو انصاف کی فراہمی کیلئے اپنی پیشہ وارانہ صلاحیتیں بروئے کار لائیں اور محکمے کی امیج بلڈنگ میں اپنا مثبت کردار ادا کریں۔ڈی آئی جی (انوسٹی گیشن)ذیشان اصغر، ڈی آئی جی(آپریشنز)محمد فیصل کامران، ایس ایس پی(ایڈمن)عاطف نذیر،ایس ایس پی (انوسٹی گیشن)انوش مسعود چوہدری، ایس ایس پی(آپریشنز)تصور اقبال،سول لائنز اور سٹی ڈویژنز کے ایس پیز، اے ایس پیز،سرکل افسران، ایس ایچ اوز، انچارجز(انوسٹی گیشن)بھی اجلاس میں موجود تھے۔
٭٭٭٭٭