سی سی پی او بلال صدیق کمیانہ کی زیر صدارت پتنگ بازی کی روک تھام کے حوالے سے اہم اجلاس

سی سی پی او بلال صدیق کمیانہ کی زیر صدارت پتنگ بازی کی روک تھام کے حوالے سے اہم اجلاس
سی سی پی او لاہور کاپتنگ سازوں اور ڈورمینوفیکچررز کے خلاف کریک ڈاؤن کا حکم، پتنگ سازی کی سپلائی چین توڑنے کیلئے موثر اقدامات کئے جائیں
پتنگ بازی ایکٹ کی خلاف ورزی پر گلبرگ، غالب مارکیٹ، شادباغ، ہربنس پورہ، گجر پورہ اور اچھرہ کے ایس ایچ اوز کوشوکاز نوٹس اور ایس ڈی پی او ز کی جواب طلبی کی ہدایت
سی سی پی او لاہور کی پتنگ بازی ایکٹ کی خلاف ورزی کی صورت میں سپر وائزری افسران کو لیٹر آف ڈسپلیر جاری کرنے کی بھی ہدایت
پتنگ بازی سے قیمتی جانوں کا ضیاع ہرگز برداشت نہیں کیا جائیگا۔سی سی پی او لاہور
پتنگ بازی روکنے میں علماء کرام، میڈیا اور شہری اپنی معاشرتی ذمہ داری ادا کریں۔ بلال صدیق کمیانہ
لاہور17مارچ:……سربراہ لاہور پولیس بلال صدیق کمیانہ کی زیر صدارت کیپٹل سٹی پولیس ہیڈکوارٹرز میں پتنگ بازی کی روک تھام کے حوالے سے اہم اجلاس منعقد ہوا۔ سی سی پی او لاہورنے پتنگ سازوں اور ڈورمینوفیکچررز کے خلاف سخت کریک ڈاؤن کے احکامات جاری کرتے ہوئے پتنگ سازی کے اڈوں کے خلاف کارروائی اور سپلائی چین توڑنے کیلئے موثر اقدامات کرنے کی ہدایات جاری کیں۔انہوں نے کہا کہ پتنگ سازی میں ملوث افراد کے خلاف روزانہ کی بنیاد پرانٹیلی جنس بیسڈ آپریشنز کروائے جائیں۔ بلال صدیق کمیانہ نے پتنگ بازی ایکٹ کی خلاف ورزی پر گلبرگ، غالب مارکیٹ، شادباغ، ہربنس پورہ، گجر پورہ اور اچھرہ کے ایس ایچ اوز کوشوکاز نوٹس اور ایس ڈی پی او ز کی جواب طلبی کے احکامات جاری کرتے ہوئے پتنگ بازی ایکٹ کی خلاف ورزی کی صورت میں سپر وائزری افسران کو لیٹر آف ڈسپلیر جاری کرنے کی بھی ہدایات جاری کیں۔ سی سی پی او لاہور نے پتنگ بازی کی روک تھام کیلئے آگاہی مہم چلانے کی ہدایات جاری کرتے ہوئے کہا کہ پتنگ بازی سے قیمتی جانوں کا ضیاع ہرگز برداشت نہیں کیا جائیگا۔بلال صدیق کمیانہ نے کہا کہ دھاتی ڈوراور پتنگوں کی تیاری، خرید و فروخت اور استعمال میں ملوث عناصر سے آہنی ہاتھوں سے نمٹا جائے۔انہوں نے کہا کہ پتنگ بازی کے نتیجے میں انسانی جانوں کے ضیاع کو روکنے میں علماء کرام، میڈیا اور شہری اپنی معاشرتی ذمہ داری ادا کریں۔ اجلاس میں ڈی آئی جی(آپریشنز)سید علی ناصر رضوی، ایس ایس پی (آپریشنز) سید علی رضا،ڈویژنل ایس پیز(آپریشنز)،ایس ڈی پی او(آپریشنز) گلبرگ سرکل، شادباغ اور ایس ایچ اوزہربنس پورہ، گجرپورہ، غالب مارکیٹ، گلبرگ اور شادباغ نے بھی شرکت کی۔
٭٭٭٭٭