وزیر اعلیٰ پنجاب کی ہدایت پرسی سی پی او لاہور کی زیر نگرانی موٹر سائیکل سواروں میں خونی ڈور سے

وزیر اعلیٰ پنجاب کی ہدایت پرسی سی پی او لاہور کی زیر نگرانی موٹر سائیکل سواروں میں خونی ڈور سے بچاؤ کیلئے سیفٹی وائرز کی مفت تقسیم
لاہور پولیس کی جانب سے دھاتی ڈور سے تحفظ کیلئے موٹر بائیکس پر سیفٹی وائرزکی تنصیب کی مہم کا آغاز کر دیا گیا ہے۔سی سی پی او لاہور
موٹربائیکس پر سیفٹی وائرز کی تنصیب سے قیمتی انسانی جانوں کو دھاتی ڈورسے بچانے میں مدد ملے گی۔بلال صدیق کمیانہ
لاہور28مارچ: وزیر اعلیٰ پنجاب مریم نواز شریف کی ہدایت پر لاہور پولیس کی جانب سے دھاتی ڈور سے تحفظ کے لیے موٹر بائیکس پر سیفٹی وائرزکی تنصیب کی مہم کا آغاز کر دیا گیا ہے۔اس ضمن میں موٹر سائیکل سواروں میں خونی ڈور سے بچاؤ کیلئے سیفٹی وائرز مفت تقسیم کی جا رہی ہیں۔
یہ بات کیپٹل سٹی پولیس آفیسر لاہور بلال صدیق کمیانہ نے آج یہاں جاری اپنے بیان میں کہی۔انہوں نے کہا کہ موٹربائیکس پر سیفٹی وائرز کی تنصیب سے قیمتی انسانی جانوں کو دھاتی ڈورسے بچانے میں مدد ملے گی۔بلال صدیق کمیانہ نے کہا کہ موٹر سائیکل سواروں کو دھاتی ڈور سے بچاؤ کے لئے سیفٹی وائرز تقسیم کی جا رہی ہیں۔اس کے ساتھ ساتھ دھاتی ڈور سے شہریوں کی حفاظت کیلئے خصوصی آگاہی مہم بھی چلائی جا رہی ہے۔
٭٭٭٭