چیئرمین ایف بی آر تاجر دوست اسکیم کسی صورت واپس نہیں ہوگی

کراچی:(سپرسیون نیوز )
چیئرمین فیڈرل بورڈ آف ریونیو (ایف بی آر) راشد محمود لنگڑیال کا کہنا ہےکہ تاجر دوست اسکیم کسی صورت واپس نہیں ہوگی۔

چیئرمین ایف بی آر راشد محمود لنگڑیال نے یہ بات کراچی میں تاجروں سے ہونے والی ملاقات میں کہی۔

یہ بھی پڑھیں
تاجر دوست اسکیم پر تحفظات: ایف بی آر نے تاجر وفد کو ملاقات کیلئے بلا لیا
ایف بی آر کی تاجر دوست اسکیم ناکام، ہدف 31 لاکھ اور رجسٹریشن 200 سے بھی کم رہی
چیئرمین ایف بی آر کا کہنا تھا کہ تاجر دوست اسکیم کسی صورت واپس نہیں ہوگی، تاجر دوست اسکیم کو تاجروں کے تعاون سے ہی نافذ کیا جائےگا۔

چیئرمین ایف بی آر کا کہنا تھا کہ تاجروں کے تمام جائز مطالبات پورے کیے جائیں گے، مارکیٹ ریٹ پر نظر ثانی ہوسکتی ہے، چھوٹی دکانوں پر غیرضروری بوجھ نہیں ڈالا جائے گا۔

چیئرمین ایف بی آر کا مزید کہنا تھا کہ ایڈوانس انکم ٹیکس کا صاف وشفاف طریقہ کار بنایا جائے گا۔